森泰遠的心太軟

 

終於食過哂所有森泰遠嘅心太軟喇
佢地公司有好多種不同的心太軟
水準真係唔差
全部大大件,伴碟非常之靚
好愛佢地的心太軟
其次愛的是豆腐綿綿冰^^

自己介紹一吓先

燈心

我真係覺得勁正
不過K先生就覺得比較甜
味道超似香橙朱古力餅
本身唔特別愛食香橙朱古力餅
但係心太軟又好正喎
佢係期間限定,所以比較少有

 

 

 

榴心

呢個係榴槤心太軟

入面有榴槤肉

旁邊有個榴槤雪糕

仲有一杯飲品添

我覺得好好味呀

佢係期間限定,唔係成日有架

 

 

Aloha 芝心

睇個名就知道裡面係芝士
不過芝士唔夠融

唔知係時間問題定係跟本唔融呢???

下次再試

有餅乾相伴,食完後飽到上喉嚨掟

 

 

酒釀心窩酒味的心太軟
問心我就真的覺得嘛嘛地
而左邊的是浸在酒的生果

味道非常之濃

我係一個會飲酒的人

但總覺得用酒做甜品怪怪的

所以呢,我係唔食酒心朱古力的
不過真的食得出很用心

 

Supies外面係濃濃的綠茶
裡面係濃濃的wasabi
其實個感覺幾特別幾好味
但甜品來說就怪少少
冇記錯的話好像不是時常有的

要試都要碰運氣喔

 



 

Super LoveMocha味道的心太軟
味就真不錯
去前唔食晚飯亦可
因為條香蕉已經夠飽

 

 

辣椒天使顧名思義係辣的
好細心地有杯冰沙果汁
其實我覺得好好味

有次介紹朋友試

但她其實不吃辣的

因為興趣大過一切,所以都鼓起了最大的勇氣
好覺得好辣,仲話一個人一定吃不完
所以大家一人一啖幫佢ko哂佢^^

 

Honeywish外面係白朱古力
裡面係蘋果餡

又似蓉又似醬的
幾好味
好似又係唔係成日有的

又係要去碰碰運氣喇

 

心太軟最最最傳統的心太軟
味道當然係正正正啦
真係好喜歡佢地大大件
真係好正

 

 

 

好喜歡佢地的心太軟

因為我覺得好有心機

可能我見識少,或者有其他甜品店做得更有心思

但當我未發現之前我都係比較喜歡森泰遠

 

PS:一路打呢編blog一路流口水